T'ju them fjalë vjershërije,
Në bunacë e në furtunë
Të këndoj siç më ka hije.
Hija ime nuk di dhunë.
Di veç frymëzim lirie,
Dhe di punë, punë, punë,
Mund pa fund për art magjie.
Që të them nga ç'pata shkruar
Me kuvënd të përvëluar:
Ja! një këngë mjeshtërie,
Ja! një iskër bukurie.
Dhe ta shoh të pasqyruar
Vetëveten fije-fije,
fije-fije poezie,
Që mban erë Shqipërie.
Lasgush PORADECI
Nuk ka komente:
Posto një koment