Rri shtrirë,
prej pritjes sfilitur,
prej ditës rraskapitur.
prej natës drobitur,
me sy të pulitur,
me mendjen tronditur.
me buzët shkolitur
(diç duan të thonë pëshpëritur),
kjo zemër e kalitur
kërkon t'i vish e s'vjen fanitur,
ndaj mbetet e venitur,
me ndjenjë të goditur.
Ma le prehjen tej vërvitur,
ndaj, ndonëse i kapitur,
sytë do mbeten përpëlitur,
sonte s'kanë për t'u kopsitur.
Nuk ka komente:
Posto një koment