perëndimi i diellit sot
ishte më i remtë se dje
fuqitë e tij të përtërira
premtojnë se s'ka më shira
se në vendin që ka zënë atje
do të ngrohë si nga mot
pa dhe era u kthye në puhi
shpërthyen sythet në bisk
drurët zunë të çelen kush më parë
sa dhe djaloshi që shëtit me kitarë
e me vajzën e ka pisk
sot gëzon se s'ka më stuhi
ashtu dhe unë përdëllehem
tek shoh të shfaqet dhe njerëzia
e të zihen dorë-për-dore
ndaj me sy orë-pas-ore
i ndjek e s'më pushton mërzia
se prej tyre ngazëllehem
Nuk ka komente:
Posto një koment