në hapësirën e syve të tu dyngjyrësh
unë mbeta thjesht një kalimtar
një zog shtegëtar jashtë kafazit të praruar
të dashurisë sate
në pallatin e zemrës sate
unë mbeta thjesht një rrahje e tepërt
në netë epshi e shfrenimi
në skenën e jetës sate
unë mbeta thjesht një sufler prapaskenash
i dënuar të të dërgoj dy fjalë
që s'ta kujtojnë më këtë djalë
se në kujtesën tënde të largët
ai mbeti thjesht një kujtim i përgjumur
që nuk zgjohet as nga vëllime vargjesh
Nuk ka komente:
Posto një koment